Дали голиот задник е новата „мини сукња“?

И дали меѓуножјето станува се’ повеќе јавно видливо?

Кога во седумдесетите години, журналистот Christopher Booker, изјавил дека maxi и midi сукњите тогашно неминовно се вратија во мода, бидејќи едноставно: „немаше каде повеќе да се оди - mini сукњата нема каде погоре да оди“, очигледно грешел и не очекувал дека, не самошто ќе се појави и mikro сукњата, туку и нешто многу повеќе, односно погоре!

Мини сукњата отсекогаш постоела, изненадувачки, дури и на почетокот на цивилизацијата, за чијашто примена сведочат бројни пештерски цртежи и други археолошки докази. Текот на настаните низ историјата, како и условите за живот во модерната и првата половина на современата ера, наметнале да таа биде исфрелна од употреба, стигматизирана, забранета, морално прогонета и слично. Во минатиот век се случуваат голем број на општествени настани, кои ќе доведат до промена на сфаќањето на многу појави, редефинирање на општествени улоги, појава на различни субкултури - под едно име - голем број на општествени револуции, чиешто влијание го чувствуваме до ден-денес, односно живееме надоврзани на нив!

Кратка историја на сукњата

Во 1800-тите години жените биле перцепирани како послаб и немоќен пол, којшто треба да биде заштитен, па такви биле и облеките, долги и покривачки, правејќи ги телесно неприметливи. После Првата светска војна, како резултат на пост-воениот ескапизам, се појавуваат здолништата до колената, во андрогин стил, додека по Втората светска војна, работ се поткрева малку над коленото, како резултат на штедењето и кратењето на материјалите за време на војната!

Во 60-тите години, од девојчињата и младите девојки се очекувало да се облекуваат како своите мајки, па тие биле претставени како шаблонизирана копија на нив, во идентичната руба - покривачка и широка. Практично, не постоела облека за млади луѓе!

Со појавата на сексуалната револуција, феминизмот и либерализацијата, мини сукњата, како и голем број тогашни општествени симболи, била искористена како алатка за ослободување на општествените стеги во кои се наоѓала жената. Мајката на мини сукњата, Mary Quant и Лордот на мини сукњата, André Courrèges, се сметаат за главни виновници за раѓањето на иконската мини сукња (наречена според омилената кола на Mary Quant - MINI).

Реакциите за нејзината растечката модна примена, се разбира, биле жестоки и обвинувачки, доаѓајќи од старомодните средновечни жени облечени во своите соодветни и пристојни долги здолништа. Но, зголемениот тренд насекаде во светот, довел до креирање на нови стилови и модни икони, како: school girl трендот, Lolita look-от, андрогин имиџ и револуционерната појава на моделот Twiggi, сето тоа во насока на експлоатација на мини сукњата како маркетинг алатка, наместо средство за општествена либерализација на жената (првенствената намена).

По тој климакс, во почетокот на 70-тите настапува момент на смирување на страстите и спуштање на работ на сукњата под коленото - момент кој, замислете, се сметал за крај на мини сукњата - велејќи дека границата немала во која насока повеќе да оди - освен повторно надолу!

Годините до 21 век ја враќаат мини сукњата на голема врата, преку многу нови трендови (Punk изгледот, потоа корпоративната мини сукња, симбол за елеганција и бизнис изглед и слично) и таа станува масовно прифатена насекаде во светот, освен во африканските и исламските земји, кадешто до ден денес, е практично забранета).

Појавата на микро сукњата

На преминот кон 21 век, се појавува микро сукњата или микро-мини сукњата (со просечна должина од 20cm) којашто повеќе е идеја за сукња отколку облека, и којашто повеќе открива отколку што покрива, понекогаш посоодветно наречена и каиш-(колан, ремен)-сукња. Микро сукњата иако првично е наменета за сценски настапи на музичките ѕвезди, се’ повеќе станува неминовен дел од street изгледот на (скоро) секоја девојка!

Голиот задник новата мини сукња?

На прагот сме на 2012-тата година и дали можеме да кажеме дека насетуваме нов, досега невиден, неочекуван тренд, незамислив за минатите модни претходници? Дали како генерација сме сведоци на една сериозна, модна, естетска, општествена револуција во облекувањето, улогата и сексуалната перцепција на жената? Дали можеби 21-от век ни носи повеќе револуции, отколку што очекуваме и претпоставуваме (сексуални, естетски, модни, родови, либерални, секако) во поглед на поединецот, мажот, жената, семејството, светот?

Во последниве две до три години, се’ повеќе сме изложени на пополнување на масовната култура со слики, сцени и импулси кои ни го навестуваат доаѓањето на „новите правила на игра“ во свет кој се трансформира, преку многу фактори, но како едни од значајните, се изгледот и облеката.

Во тој поглед, дали границата/работ на мини сукњата се качува погоре, многу повеќе од дозоленото и замисливото, односно дали сукњата можеби ја губи својата класична форма и почнува да нема граница, т.е. да нема ни почеток ни крај?

Lady Gaga

Rihanna

Nicki Minaj, Lily Allen

Coco, Pamela Anderson, Rose McGowan, Alexis Texas, Scout Willis, Heidi Klum, Beyonce, Britney Spears

*Литературниот македонски збор за сукња е здолниште.

Прочитај повеќе >>

comments

И Жељко Јоксимовиќ „навлечен“ на прашок!

Неколку месеци после успешната акција на опасната пар комбинација на DUEL-прашок за перење и новиот албум на Здравко Чолич, во маркетите осамна и друга спојка. Овој пат се работи за последниот албум на Жељко Јоксимовиќ - „Љубави“, плус гратис „спeцијално“ списание со Јоксимовиќ на насловната страница и се разбира Duel прашок!

Очигледно, на Biohemija d.o.o. и тргна во супер комбинацииве со продукцискиве куќи, па овој пат со Minacord на Жељко и заедно со дистрибуција Kolid, решиле да понудат ново идеално „музичко - перално“ решение, Duel Љубави ко-пакување!

После вториов успех, можеби размислуваат и за официјализирање на посебниов ендемски начин на дистрибуција во маркетинг литературата, како продажна промоција којашто пали кај домашниот таргет на овие балкански простори, без водење грижа околу имиџот на двата бренда (посебно не за музичкото „дело“) : ПЧК алатка! „Прочи че-комбинација“! :P

-А бе, пази да не станат толку комплементарни во употребата, па без едниот да не се троши другиот и слично! :)

И за крај, додека вие се мислите дали е соодветно и на што личи музички албум да се продава рака-под-рака со прашок за перење, пазарната логика, којашто не познава логика, ги отвара сите врати на креативноста (која исто како и глупоста, е неограничена), па што пројде - пројде, а што не, нека го прости чичко Smith!

*Повторно голема благодарност до Ели, која повторно ја документираше оваа маестрална комбинација и со тоа, помогна во објавувањето на овој маркетинг случај!

Прочитај повеќе >>

comments

Ревизија на текстот за „Баксузен Таксират“ и извинување од авторот :D

Реченицата со која започнува претходниот негативен пост „не знам како било, не бев, не можам да судам!“ за прикаската Таксират, доби огромен негативен публицитет. И со право!

Тотално се согласувам со читателите кои велат дека е поразителна и од старт го дискредитира целиот текст! Им благодарам на читателите што научив дека вака не се започнува статија, (иако сметав дека моето субјективно доживување дали сум рипала поише на Buraka Som Sistema отколку на Fat Joe, или дали сум била со или без гратис, е тотално небитно, зошто не праам рецензија кој како отсвирел или каков однос имал со публиката). Напротив, во центар ги ставам организаторите на event-от и нивната маркетинг реализација, сакајќи да дадам една beyond нота за иднината и позиционирањето на Таксират. Но, nevermind! :D

Второ, на многу читатели им бодат очи трите мои „соломонски решенија“ Пеперс, Хим или Рамштајн. Тоа и го очекував! Во иднина нема толку да генерализирам, упростувам и во исто време карикирам, бидејќи е дискутабилно околу рангот на популарноста на брендовите и тоа дали организаторите и бендот ќе имаат профитабилно ефектуирање на македонскиот пазар на концерти!

И како трето, многу фанови се најдоа погодени што упатувам критика за Таксират, имиџот,  состојбата, пред и после. И со право! Ни најмалку не ми беше поента да го омаловажам Таксират како значаен supporter на македонската урбана култура! Потенцирам дека треба да се подржува добрата воља на организаторите за „дистрибуција“ на куп добри бендови за „по 100че во просек, пиво во рака и добра дружба!“

Жалам и што не пронајдов заеднички јазик со таргет групата, тоа е моја грешка, бидејќи се обратив на референтна група која од старт има негативна перцепција и одбранбен штит за, какошто го нарекуваат „болеста на општеството“ -  маркетингот, произлезен од систем против кој најголем дел референтната група се бори или барем гаи негативни емоции и ставови!

По професија маркетер, океј е што на некој од вас не им се допаѓа што работите ги гледам толку narrow minded или црно-бело, низ призмата на публицитетот, продажбата и профитот! Но, тоа ми е работата. Во денешното општество освен токму контра-културата  (преку која голем дел маркетерите бенефицираат, препознавајќи ја како „потреба за различност“) остатокот од светот е „чиста продажба“!

Ви благодарам за одвоеното време и тоа што сте се потрудиле да дадете фидбек. Јас посебно ги охрабрувам негативните коментари и со радост ги прифаќам, бидејќи токму преку нив се осознаваат грешките и се учи потрошувачот! Постојано потренцирам дека текстовите на овој блог се резултат на мои субјетивни мислења, и тоа ги прави во голем дел нерелевантни, неточни, идеални за решетање со негативни критики! Voilà !! За тоа сум тука :D

И за крај, мило ми е што се појавија толку посетители на Таксират со фидбек дека супер си поминале, подобро од што очекувале, нарекувајќи го најдобар до сега! Токму тоа е поентата, потрошувачите да бидат задоволени на најдобар начин! А ако е така, тогаш нема што понатаму да се коментира! 

Останува наредната година да чекаме уште еден добар и дури подобар Таксират!

Прочитај повеќе >>

comments

Баксузен 13ти Таксират?

Не знам како било. Не бев. Не можам да судам.
Но, по тоа што го слушнав (word of mouth), прочитав, пред и после настанот и фактот што не видов ниту една „импресија“ на мојот фејсбук ѕид од било кој пријател (а ги имам доволно од конкретниот таргет), не било на арно!

Таксират се изгуби во својата суштина и во своето позиционирање, обидувајќи се да ги следи новите трендови, со мала промена на својот имиџ и широко таргетирање, но копнеејќи по минатите времиња и минатите суб-културни состојби!

Оваа година поентата на Таксират очигледно беше „мејнстримување“ на „алтернативата“, нејзино вадење на површина, за да ги пресретне потребите на широка таргет група од андерграунд слојот, за кој очигледно сметаат дека и во Македонија повторно се разви како популарна суб-култура, како што е случајот со некои соседни земји. Тука е првата грешка! Во Македонија (а и во поширокото окружување) алтернативците, кои ги има се’ повеќе, најчесто се развиваат во правецот хипстеризам, а истите не може да бидат групирани толку масовно и така лесно задоволени, само преку неколку артисти и тоа дотраени „комерцијални“ алтернативци!

„Комерцијален алтернативец е ОКСИМОРОН за артист кој ја покрива „андерграунд“ културата, но во исто време е и мејнстрим бренд, кој се продава како и сите останати музички брендови, со тоа што животниот стил кој го продава е различен од оној масовниот.“

Тоа е сосем во ред со стилот на Таксират, кој како што се сеќавам беше создаден за (хард-кор) љубителите (кои генерално гледано сега станаа малку застарени) и ја опфаќа „андерграунд“ комерцијалата. Токму тука е и втората грешка! Пазарот на македонската „андерграунд алтернатива“, во класична смисла, некако опаѓа. А музичките „комерцијално алтернативни“ бендови кои оваа година ги понудија како јадро на настанот, едноставно не беа ништо посебно! Напротив, едни беа ѕвезди со поминат рок, а останатите не беа баш дел од популарните и светски-бренд музички имиња (иако е дискутабилно за Kaiser Chiefs). И за да ја пополнат проект - луфтата, слатко ги спакуваа со домашни фацки, и други споредни, стилско-компатибилни, ликови... Но, само ликови, кои се далеку од икони!

Третата грешка, е иста како и првата, бидејќи поентата се врти во круг, а тоа е промовирањето на настанот: толку популарно и толку масовно. Меѓу другото и со радио реклама, преку која последната недела засилено го бомбардираа етерот на најпопуларната радиостаница, Антена 5! Нешто што дополнително укажува дека „алтернативата“ се обидоа да ја претстават како мејнстрим, а во случај кога немаат ниту една доволно бомбастично силна (рок) легенда, за да се привлечат сите тие широки „андерграунд“ групи!

Да бидеме реални, далеку од тоа дека Таксират можеме да помислиме да го брендираме како „зимски Егзит“ или да ја следиме неговата популарна - андерграунд - мејнстрим - хипстерска - инди - рок - метал - liberte - new age - урбана приказна, која раскажува за животниот стил на „новата генерација“!

Лудилото отиде до таму, што го запоседнаа цел град со билборди, и тоа во најразлични стилови и бои. Како да се работи за 5 различни настани! Ниту еден билборд не беше стилски ист, ниту пак беше конзистентен на досегашниот Таксират имиџ! Дури и му додадоа една „Скопје 2014“ нота, повторно нејасна, дали во случајов, Таксират и таргетот, се урбани хејтери или supporter-и? Битно, пораката беше да ги вклучи и едните и другите?!

Како цреша на шлагот е последениот поразителен факт - суровата реалност! До кога Македонија ќе биде заобиколувана од еминентни музички имиња без разлика дали се продавачи на масовен популарен или алтернативен животен стил, и без разлика дали свират лесно и поп, или свират тешко и агресив? До кога жално ќе ги набројуваме сите имиња кои ги доживејаа нашите соседи, а нас истите само не’ заобиколија?

Во ова глобално село, очкувањата растат! Па, така, оваа година уште позасилено и желно чекавме за: Пеперси, Хим, Рамштајн или било кое друго комерцијално име!

И како после сето ова, тимот на Таксират се чуди зошто немало посетеност, елан и ентузијазам кај публиката, кога ни продава само некои лесни, „ОНАКА“ фацки „без кои може да се живее“?

Поентата на текстот не е да се омаловажи ликот и делото на ниту една музичка ѕведа која настапи на Таксират 13, а најмалку не на хедлајндерите Kaiser Chiefs. Со сета должна почит кон нивната музика, филозофија и порака!

Прочитај повеќе >>

comments

Сурово искрено таргетирање: Чола право во рацете на „домаќинките“!

Пред речиси една година, во македонските супермаркети осамна една „страшна“ комбинација на два тотално неспојливи производи, но за волја на вистината, силно поврзани врз база на целната група. Идејата на маркетерите со оваа промоциска спојка беше да го разбуди импулсот на таргетираната група, која по забележувањето на рафтот нема да остане рамнодушна и веднаш ќе го зграпчи ова ко-пакување! 


Замислете, со купување на прашокот за перење DUEL  не добивате како подарок, пример, нова мерна чашка за прашокот, нов омекнувач или нова количина плус од Duel, туку неверојатно, НОВИОТ АЛБУМ на Здравко Чолич!

Се работи за типичен добро-смислен и очекувано ефективен напад за продажба на два тотално (според техничките или употребливите атрибути) неспојливи производи! Но, тоа што ги поврзува е ноторната вистина за суровото таргетирање според некојси идентификуван балкански животен стил: ,,жените домаќинки перат и го слушаат Чола”. „Па зошто да не перат со Duel и во исто време уживаат во неговиот нов албум??“ 

Оваа директна, брутална и страшно искрена продажна промоција оди под анализата дека Југословенките во цутот на младоста, коси кубеле по Чола, во неговата ера на жарењето и палењето; сега тие жени се ,,пораснати” во средновечни ((карикирам)) ,,домаќинки кои се грижат за домот, перат и пеглаат, но сеуште затреперуваат на ритмите на најголемиот балкански заводник“! Во таа воочена ситуација, Biohemija и AZ PR Production виделе одлична маркетинг прилика своите два производа да ги спојат во идеално пакетче, под мотото „ПЕРИ И СЛУШАЈ“!!! 

Па така, тие го протнуваат на задна врата, овој нов музички производ кој треба да падне директно во ,,мокрите раце” на домаќинките, инкогнито пенетрирајќи во нивните домови и заобиколувајќи ја останатата нетаргетирана и непотребна јавност. Со тоа, дистрибуцијата е феноменално решена, бидејќи никој веќе не купува „цедиња и касети“, а посебно не домаќинките!

Во исто време Duel, поддржан од засилениот мотив кон Чола, обезбедува влез и емотивно поврзување со својот таргет на македонскиот пазар, на кој долго време напаѓа и се бори по некоја „бившо-југословенска-братска линија“! Бенефит ем за Чола, ем за Duel! Синергија пет плус!

Што да правиме, мораме да признаеме дека идејата е одлична! Паметна герила ,,во последен момент, со двојни користи, инкогнито и директно во центарот” продажна промоција! Колку и да звучи смешна и несоодветна, сепак работи! Бравос! 

xD

Голема благодарност до Ели, којашто го детектираше овој незаменлив момент и со тоа помогна во креирањето овој случај.

Прочитај повеќе >>

comments

ПРОПАГАНДНИ СМЕШКИ: Македонски рекламчиња

ПРИМА биле пред времето! Ете од каде му е идејата на Kevin Roberts за „љубовните марки“! 

Или не? 

Да се надеваме дека Прима не го сликале несудениов градоначалник за маркантниов политички плакат!

А ако не верувате во политички „маркетинг“, тука е Васе, брутално и сурово искрен! 

Ако вашето битие негодува после рекламата на Васе, тука е римата на Бет да ви помогне без мед!

...ако и тоа не помага, не земајте ни виски ни Кока Кола со лед!

А доколку сакате пирсинг, не двоумете се да се обратите во кредибилново студио за безболно дупчење со медицинки!

А, ако не дај Боже, не преживеете, еве ви бројче од човек што ќе ве погребе како вистинска ѕвезда!

Народска креативност - резултат на маката да се продаде и желбата на личната иницијатива да се биде диференциран од другите. Овие креативни парчиња полни со „народска искреност“ се интересен пазарен ’феномен’ кој отекогаш постоел кај желните трговци да се истакнат и да продадат нешто повеќе.  Па комбинираат мисли и смеа, или желба и незнаење, и неретко нивните промотивни обиди завршуваат како своевиден урбан хумор и сатира.

*Фотографиите се преземени од познати македонски портали кои објавуваат ваков тип на содржина: On.net, Motika, Kajgana, Taratur и сл. 

Прочитај повеќе >>

comments

Што направи вечерва T-Mobile?

Т-Mobile треба да знае една работа, дека не треба да ги крева очекувањата кога не може да ги исполни! 

Не говориме за „официјалното“ доаѓање на Шакира или наводното „пристигнување“ на Кети Пери на македонскиот аеродром - информацијата која вчера го дрмаше македонскиот електронски етер и ги наполни срцата со масовна хистерија, која резултираше со максимална посетеност на скопскиот плоштад. Не, не станува ни збор кој ги произнесол таквите информации и со каква цел, дали тоа е Т-Мобиле лично, или некоја несовесна медиумска агенција - шпекулант. Нам како општа јавност, не не интересира точноста на информацијата, се додека таа масовно се шири и предизвикува некаква галама-врева или buzz, која понатаму се претвара во вистина, очекување и некаков производ (во случајов, огромен централен собир)!

Впрочем, Т-Mobile има сосема чиста совест бидејќи на фејсбук профилот ноќеска демантираше дека се работи за Шакира, но остави огромен простор за слатко ГОЛЕМО изненадување, од речиси идентичен калибар на познатата светска ѕвезда, радувајќи се на антиципираната масовна посетеност!

Но, тоашто Т-Mobile, не го претпостави е можноста да, пост-огромниот собир, кој се создаде како последица на нивната информација во јавноста (а велам нивна, бидејќи воопшто не ме интересира чија е - се додека Т-Mobile не се обиде да ја сопре и спинува, туку напротив организаторите мирно си ќутеа и слатко се смееја) е сценариото што ќе се случува по завршувањето на настанот??? Дали Т-Mobile е спремен да го неутрализира и менаџира драстичниод пад на емоциите и појавата на огромното разочарување кај масовната публика - факти кои требаше да им бидат кристално јасни, дека „Шакира во живо, не е исто со Мараја Кери на холограм“.

За холограмот и околу него, можете да прочитате навала од коментари на компаниската фејсбук страница, во најголем дел со страшно негативна конотација, но ќе сретнете и позитивни објаснувања кои се во насока на охрабрувања и бранења на „вината“ на  Т-Mobile. Логиката на таквите - позитивни величења на компанијата, е аргументот за, какошто го нарекуваат - „Македончето и неговата инфериорност со желба за критикување“. Имено, парафразирам, македонскиот народ има преголеми очекувања, секогаш желен за гага и за нешто повеќе (циритам: „сака од небо мобилни да му паѓаат“) и без обзири, бил толку критички настроен што не е никогаш задоволен од ниту една преземена акција.

Да! Тотално се согласувам! Тоа е една силна национална црта во карактерот на македонскиот народ, а на Т-Mobile треба да им биде тоа сознание јасно како ден, сфатено и разбрано како алфа и омега, бидејќи тие работат и фунционираат токму тука, на македонскиот пазар, и се рекламираат врз македонскиот потрошувач, кој по некоја случајност, е сосем различен од стандардите на европскиот, во својот потрошувачки склоп.

Т-Mobile треба не само да ги прифати овие навистина негативни црти на македонскиот конзумент на производи и реклами, туку и секоја нивна акција треба да биде внимателно филитрирана низ призмата токму на оваа влијателна карактерна црта и детермината. Во таа насока, нашата најголема телекомуникациска компанија и воедно најголем профитер на македонскиот пазар, не треба да се сити и радува на широката маса која се собра на плоштад, за перфектно и одлично да ја сними својата блескаво божиќно-новогодишна кампања, засладена со магијата на Мараја Кери, туку и да мисли што понатаму!

Зарем тимот на Т-Mobile не претпоставува дека негирањата и незадоволствата ќе се вивнат до небо, кај замрзнатата македонска публика од неприкладната температура, полна со очекувања дека можеби некој конечно ќе се смилува да донесе музичко име од светски калибар, но овој пат не со „поминат рок на траење“, со каквишто обично не’ залажуваат! Дали знае Т-Mobile што значи за „напатениот’ македонски потрошувач информација дека за прв пат ќе пристигне тековно-популарна светска пејачка од рангот на оние имиња кои кружеа вчера во јавноста, нетрпеливо чекајќи ја истата на температура речиси под нулата? Посебно, кога не само што не доби ни пет класи пониска, жива вистинска, природна појава, туку доби копија, воздух, фатаморгана, нешто што уште толку го потврди фактот дека нашава држава дефинитивно не е дестинација достојна за посета на музичко име, туку е само предмет на манипулации за повисок профит!

И за крај, доколку нашата број еден телекомуникациска компанија не се прашува, еве јас се прашувам што понатаму? Зошто наместо број еден рекламите со најнова технологија, еднаш не се обидат да го изменаџираат нивниот негативен имиџ кој владее во јавноста, туку истиот го „кријат под тепих’, заслепувајќи ги потрошувачите и себе си со школско-феноменални-ремек дело од реклами! Разберете, сега е само имиџ, но утре ќе бидат опипливи материјални средства, и таа бројка од 10,2 проценти пад на приходите, ќе стане дупла, носеќји падови, во услови кога еден нивен конкурент остварува силен пораст на сите полиња!

Но, како и да е, таквата инертност на најголемата и најпосакуваната македонска статусна компанија, верувам дека совршено и’ одговара, се додека статус кво ситуацијата полека но сигурно не се измени. До, тогаш, останува да доживееме и да споделиме уште многу прекрасни доживувања!

И да, да истакнам, настанот беше одлично технички изведен, секоја чест за пионирството во холограмската изведба на нашата сцена, прекрасна идеја на интернационалниот маркетинг тим на Deutsche Telekom, промоција на идеали и вредности на поврзување и здружување, сместувајќи не во семејството на „големите“, генијална замисла, од која ќе произлезе уште подобра новогодишна и магична кампања, мерак за очи, гордост дека бевме и присуствувавме на снимањето и божиќна радост за празниците кои следуваат. Но, не на овој начин.

Прочитај повеќе >>

comments

Тајната на успехот на Michel Teló и неговата Ai Se Eu Te Pego (Ај, ако те фатам!)

Последниов месец насекаде ја гледаме, слушаме и пееме, во моментов најпопуларната песна од неанглиско, подалечно говорно подрачје - бразилската број еден тема: Ai Se Eu Te Pego (Ај, ако те фатам!) на младиот и симпатичен пејач, Michel Teló (Мичел Тело’) (пушти го видеото за поголем ефект при читање :p).

Јасно е како ден, дека во ова музичко парче сплотени се речиси сите фактори за успех што доведе до тоа, овој музички производ, толку лесно и едноставно да ја постигне својата вртоглава популарност, дури и на нашите простори: младиот Michel Teló на кој ниедна девојка не би му одолеала; интересните, заводливи и заразни ритми; слатка кореографија, која едноставно ве принудува да танцувате како присутните во видеото; и се разбира, песната, којашто е апсолутен хит, исполнета со позитивна енергија која веднаш ве обзема штом кликнете play! Сите овие добро осмислени услови се идеален збир за масовна прифатеност и хитовско лудило. Како резултат на тоа, Ai Se Eu Te Pego насекаде можеме да ја забележиме, споделена на скоро сите (женски) фејсбук профили, како тема на заедничка дискусија и воодушевување, а не е исклучена можноста и додека сте надвор, да забележите девојки по улица како ја изведуваат познатата кореографија, потпевнувајќи го заразниот рефрен. 

Но, сепак би сакала да потенцирам еден фактор кој значително помогна за длабока пенетрација на овој сингл, не само географски, во широките светски рамки на најразличните држави и култури, туку и во главите на многу слушатели, па дури и кај оние помалку пристапни таргети („неслушатели на масовна музика“):

-Во спотот на песната можете да забележите убави девојки, и тоа не само убави какви што има во речиси секој музички клип, туку многу поинаков таргет на девојки од оние што би одговарале за овој тип на песна, пејач и музичко видео. А бидејќи песната е таква - лесна, певлива, разиграна, едноставна, дури и помалку детска, слатка и невина, сигурно очекувате во публика да забележите тинејџерки, дури и твин-ејџерки. Но, реалноста е сосема поинаква, па во ова видео сретнуваме САМО атрактивни, повозрасни девојки, адолесцентки, кои веќе одамна не се тинејџерки, ни средношколки, туку можеби „завршиле факултет и веќе работат“. 

Истите тие повозрасни млади дами, се всушност вистинскиот носител на позиционирањето на овој музички производ. Ги сретнуваме уште од самиот старт, како заводливо и самоуверено танцуваат, со доза на индивидуалност, како што доликува на модерни, тренди-стилизирани и самостојни млади девојки, (а некои од нив се „not a girl, not yet a woman“ категорија). Тие со занес, ококорени очи и широко отворени усни го „голтаат“ секој потег на Teló и се движат во ритамот на неговата изведба, со експлицитно фацијално изразување на воодушевувањето од лудилото кое го предизвикува неговиот настап.

Девојките од спотот на Teló, по правило, своето место најмногу го пронаоѓаат во клубската музика, house песните, dance-electro хитовите и истите најчесто можеме да ги сретнеме во истоврсните видови на спотови, каде со изразена сексуална енергија ја искажуваат својата женственост и зрелост.. Но, во спототот на Teló ги гледаме во поинаква улога, и тие дефинитивно помагаат во градењето на неговата популарност, креирајќи го ИМИЏОТ на песната, и помагајќи при поттикнување и самоидентификација на слушателите. Пораката која се испраќа до јавноста е следнава:
-песнава мора да е толку добра и неверојатна штом овие девојки со толкаво внимание и концетрација уживаат во секој нејзин ритам, „плакнејќи ги очите“ од преслаткиот дечко и подавајќи ги рацете кон него, додека тануваат на кореографијата.

-кога оваа заразна слатка песна ја обожаваат овие модерни и секси девојки, значи дека нема никакви социо-бариери за личност со било која возраст и животен стил да лудува по неа, бидеќи е на некој начин „дозволено“ штом е поддржано од „трендсетерките“ (значи не е само за деца).

-и во исто време, може слободно да се „екстазира“ на песната, поддржано преку самоидентификување, поистоветување и изедначување со желба за припадност кон оваа посакувана општествена група (младите - фенси - тренди - модерни девојки).

Можете да приметите дека во публика има секаков тип на девојчиња, но по некоја „случајност“ камерманите ги доловуваат само оние кои наликуваат на оние штотуку симнати од модните писти. 

Полн погодок во процесот на брендирањето на овој музички субјект кој во последно време неочекувано и непредвидливо го растресе нашиот и исто така, светскиот етер! 

Прочитај повеќе >>

comments

Рекламите се „маркетинг“ за македонските телевизии и интернет портали

Mаркетингот во нашево општествено и бизнис живеење е неправилно разбран и интерпретиран, а за тоа сведочат следниве фотографии (screen shot-ови), како своевиден преседан во нарекување „МАРКЕТИНГ“ на телевизиските реклами, интернет банерите, секциите од интернет страниците за склучување на договор за рекламирање или слични други позиции, секаде кадешто рекламата или огласот „замешуваат прсти“. 


Имено, македонските телевизии (секоја чест на исклучоците) кога треба да емитуваат тв реклами и за тоа ја прекинуваат телевизиската програма, со огромни букви на своите форшпани ни пишуваат М А Р К Е Т И Н Г ! Небаре ќе ни го емитуваат маркетинг миксот на нивните клиенти со производ, цена, дистрибуција и промоција. Наместо краткото и јасно ЕПП (економски пропагандни пораки, ПП - пропагандни пораки) или она обичното безболно РЕКЛАМИ -  тие сакаат нешто понаучно, посериозно, подлабоко, позначајно - МАРКЕТИНГ! ... ЕПП-то коешто до пред некои си десетина години беше испишано на телевизиските екрани, пред нашите менаџери, (а потоа и транзициската општа-јавност) да чујат за пософистициран термин „маркетинг“, стана тотално неправилно исфрлена кратенка, како да е заостанат комунистички остаток од кое што побрзо треба да се исчистиме. Сега се пишува само „маркетинг“ - тоа звучи многу пострански и што е најбитно, покапиталистички! Снобови! 

Интернет банери  - наречени маркетинг!

Страниците за контакт со клиентите околу договар за рекламирањето го нарекуваат маркетинг! Небаре интернет странициве ќе изработуваат маркетинг микс, со претходна анализа на околината, маркетинг истражување, па потоа и маркетинг менаџмент околу миксот!

Истата приказна можеме да ја сретнеме и на веб страните на телевизиите.

Но, од секое „правило“ постои исклучок. Секоја чест за одредени телевизии кои се потковани со соодветни познавања и знаат што треба да напишат на форшпанот кога ги емитуваат рекламите: а тоа е токму тоа - „реклами“!

Порталот mnogoo ќе го истакнам како современа и секогаш внимателена интернет страница, на којашто се води прецизна грижа за ситниците. Кога ја отворив оваа страна не се сомневав дека нема да прочитам „маркетинг“, ни за огласи, ни за секции за договарање околу рекламирање.

За крај, како една потврда за се’ што денеска критикувавме и негодувавме, може да посочиме screen shot од две екстремно познати веб страници (CNN.com - како прв резултат на google доколку напишете „news“ и веб страната на, во изминативе години, највлијателната жена во светот - oprah.com) за компарација што пишуваат овие два вртоглаво - недостигливи медиумски императиви кога се работи за рекламирањето!

CNN - advertise with us (доколку побарате преку ctrl + F никаде нема да го пронајдете терминот „marketing“)

Нa oprah.com огласите се „advertisement“ (наместо македонското толкување - „маркетинг“).

Се надевам дека телевизиите и интернет порталите со тек на време ќе научат дека постојат и „се борат“ за рекламирање - огласување, а не „маркетинг“; заработуваат од рекламите и огласите, а не од „маркетингот“ на клиентите. Но, она што уште посилно се надевам дека конечно маркетингот во нашево општество ќе го достигне она достојно и соодветно ниво, кога најголемиот дел од граѓаните ќе прават разлика помеѓу рекламирање и маркетирање, оглас или маркетинг микс, маркетингшки трик или маркетинг концепт и нема да се случува вакво несоодветно мешање на толку добро разграничени термини.


*Сите screen shot-ови се случајно одбрани, без соодветна тенденција да се истакне, па потоа оцрни некоја веб страница, туку напротив, нивниот избор се базира на фактот дека котираат високо на скалата на свесноста (brand awareness) и скалата на преференциите (brand preference)!
**Сите screen shot-ови на телевизиите се уште повеќе случајни, соодветно на веројатноста на нивно можно регистрирање додека форшаните одат во етер!

***Листата на телевизиски screen shot-ови ќе биде набрзо надополнета.

Прочитај повеќе >>

comments

Под лупа: Реклама за алкохол на „вистинското“ место

Доколку треба да генерализирам и без детални анализи, да констатирам која е главната целна група за конзумација на жестоки алкохолни пијалоци (не земајќи ги во предвид единечните пазари на посебните марки на алкохолни пијалоци) дефинитивно како најголем и најобемен конзуматор на алкохол, во прв ред, (за жал) ги посочувам студентите, а понатаму и средношколците. Оваа констатација нема улога на критика на начинот на живот во денешното општество, со акцент на состојбата на младите луѓе и кои се причините за истата, туку напротив, ќе ја искористам за една маркетинг забелешка или да „отворам еден случај“ за тоа како рекламите на алкохолот секогаш знаат да застанат пред очите на нивниот најголем конзумент - најпосакуван таргет!

Низ моето четиригодишно студирање, речиси секое излегување од портите на универзитетот и мое упатување кон дома, беше „под спонзорство“ на Smirnoff – најпопуларната и (таканаречена) најквалитетна водка, за која моите врсници знаат да кажат „дека е убедливо најдобрата“. Се работи за една незабележителна, но многу влијателна „реклама“ на Smirnoff поставена веднаш спроти главниот влез/излез на комплексот на факултети кај Мавровка, чиј натпис можете да го прочитате штом решите да тргнете по патот кон дома. Секако, не е случајна оваа поставеност, токму, спроти најголемиот универзитетски комплекс, кадешто циркулира, секојдневно влегува и излегува, огромна маса на студенти, бројка која се мери во повеќе илјади. Токму на излезот на таа порта можете да го забележите логото на Smirnoff, кое е многу јасно испишано во далечината, на онаа висина, да може да биде забележано од очите на било кој просечен студент.  

Што мислат младите за Smirnoff? -Таа е најквалитетна водка, малку поскапа, но не претерано скапа за да биде гледана како луксузен недостапен жесток пијалок; водка со најдобар вкус, секогаш пожелна кога има можност дополнително да се плати за да се набави; и како најбитно, водка чие конзумирање не носи последици, односно водка „ослободена“ од мамурлак. Smirnoff е перцепирана како пријател бидејќи од неа никогаш не боли глава, таа е посакувана и ценета, а пиењето на останатите (ценовно слични или ценовно пониски) субститути е проследено со мало негодување. Полн погодок! Вистинскиот производ пред вистиските очи!

Изложеноста пред очите на студентите во овој случај е огромна доколку го земеме во предвид фактот дека еден студент во просек студира околу 4 – 4,5 години, и доколку тоа време го помножиме по (грубо земено – без викенди, лето, испитни сесии и други денови ескивирање од часови) 200 дена/пати (во годината кога излегува на тој излез) е еднакво на 800 пати изложеност скоро секој поединечен студент од многуте илјадници студенти! Солидни БРУТО РЕЈТИНГ ПОЕНИ!

И што? Сигурно голем дел од вас сигурно се прашувате како може тоа да влијае врз зголемувањето на продажбата на Smirnoff на нашиот пазар?! Најпрвин, да разјасниме дека паното навистина не може да влијае кон директно квантитативно зголемување на продажбата или профитот, ниту пак кон подобрување на имиџот на Smirnoff, бидејќи нема некаква анимативна улога. Но, функцијата на оваа „реклама“ не се состои во директно предизвикување зголемена продажба, туку има многу посуптилна, контроверзна и подлабока улога. Иако ова пано е мало парче од мозаикот, сепак тоа е доволно значајно, за туку така да го дискредитираме!

Тоа има улога да ја зголеми визуелната перцепциска свесност за логото на Smirnoff, коешто проекциски се вметнува во свеста на гледачот, за понатаму идентификацијата и препознавањето на истото да биде целосно олеснета и автоматска. Аналогно на тоа, гледачот кој бил изложен неколку стотини пати на логото на овој производ, во остатокот од својот живот ќе има огромна свесност за истото, и каде и да го забележува ќе го перцепира како многупати виден и познат производ – со длабока историја во неговата свест. Со тоа производот станува визуелно близок, достапен и „секојдневен“, како да бил постојано дел од животот на гледачот. И се разбира, кога тој ќе биде соочен со голем избор на слични марки, погодете за која ќе се одлучи (секако доколку останатите елементи од маркетинг миксот се поволни)! Повеќе од тоа не може да посака ниту еден маркетер! 


Се разбира, нашево рекламно пано, можеби, и нема до толку силна и револуционерна улога, но сепак е поставено на правото место и ја има токму целта за која штотуку зборуваме. Па, и да исполни барем половина или третина од ова што денес набројавме, тоа ја извршило својата фунцкијата повеќе од одлично!

......

Да биде оваа маркетинг приказна поинтересна, пред речиси 2,5 години на Smirnoff надворешното рекламно пано, закачено на трговскиот центар Мавровка, му се придружи и неговиот алкохолен колега, господин Johnnie Walker. Сега, овие два најдобри бренда во својата класа на жестоки пијалоци, ја красат Мавровка, висејќи веднаш пред очите на „жедните“ студенти. Коинциденција? 

 Не би рекла!

Прочитај повеќе >>

comments