Traikovsky Whine Brandy и фејсбук комуникацијата!

Traikovsky Whine Brandy - првиот македонски коњак.
Доколку досега не сте слушнале, еве можност.

Кога пред неколку години дознав дека се појавува овој производ на нашиот пазар, ми се исполни душата со радост: прв македонски коњак, 88 - годишна традиција, производство по принципот на француски коњаци, спакуван и дизајниран на одличен начин, ја има сета можност да продава одлична приказна и едноставно огромен потенцијал да стане национален бренд со кој сите ќе се гордееме.

Начинот на кој е брендиран е одличен, дури неверојатен! Дизајнот (како маркетиншка категорија) е прекрасен, приказната која ја раскажува е магична! - секоја чест за оној што го дизајнирал и менаџирал брендот.

Долго време се двоумев дали да го напишам овој текст и да укажам на тоа што ужасно ми смета, несакајќи ни малку да наштетам на имиџот на овој прекрасен производ. Напротив, кога ја започнаа својата комуникација на фејсбук, ја споделив нивната страница и ги повикував пријателите да се запознаат со Traikovsky Whine Brandy - првиот македонски коњак, чисто да се даде некаква подршка во развојот на оваа ветувачка приказна.

Но, не ни очекував дека Traikovsky Whine Brandy, ќе биде еден од оние корисници на фејсбук, кој најмногу ќе ми пречи во поглед на тоа како ја расипува својата магија со непланираните, глупави, несоодветни статуси, изјави и линкувања!

Traikovsky Whine Brandy се позиционира како луксузен, ексклузивен пијалок, произведен во ограничени количини, со врвен квалитет, со ептитети како 88 годишна традиција и исклучителност во производството, таргетирајќи ги лицата со повисоки приходи, бизнисмени, делегати, функционери, кои претпочитаат екслузивитет и луксуз додека конзумираат жестоки пијалоци.

Погледнете и пресудете сами дали ваквата фејсбук комуникација одговара на нивната бренд филозофија и таргет група:

Очигледно фб страницата не е раководена од професионални лица, чија улога би била да го
градат брендот конзистентно со бренд стратегијата и да придонесуваат кон зголемување на свесноста и знаењето. А најмногу од се’, ме боли тоа што сопственичката редовно ги лајкува овие фејсбук испади, наместо да се запраша дали се соодветни!!


Се надевам дека овој текст, иако можеби ќе донесе негативен публицитет, сепак ќе донесе „публицитет“ и ќе ја зголеми свесноста за Traikovsky (макар и кај неколкумина), а можеби и ќе допре до модераторите на фб страницата за во иднина да внимаваат што пишуваат и соодветно да комуницираат и да не го расипуваат својот прекрасен бренд!

__________________________________________________________________________________

Дознајте повеќе за Traikovsky Whine Brandy на:
http://www.youtube.com/watch?v=9YUgfTsojB0&noredirect=1
http://www.youtube.com/watch?v=eMa33ow0xMM
http://www.youtube.com/watch?v=ZXGf7h1jlRI&feature=related

Лајкнете на фејсбук и споделете ја страницата да дадеме подршка:
http://www.facebook.com/traikovsky.wine.brandy

Прочитај повеќе >>

comments

T Mobile го украде „клучниот збор“ на VIP „ЗАСЕКОГАШ“

*Клучен збор = compelling word - збор кој се користи во рекламирањето и има за цел да биде носител или поддржувач на кампањата, преку предноста која ја нуди. Можеби „клучен“ не е соодветен превод, но за жал немаме официјален македонски термин. 

Веќе подолго време мобилниот оператор VIP го користи својот compelling word ЗАСЕКОГАШ, сакајќи да истакне дека ниските цени или 0-та во разговорите со VIP ќе се применуваат засекогаш!

На наше големо и шокирачко изненадување, неделава пред Валентајн можеме да забележиме на бројни биlборди и радио-реклами во градов, како T Mobile си го присвојува и користи зборот ЗАСЕКОГАШ!

Се прашувам како, во рамките на оваа лута и смртоносна конкурентска борба, големиот и моќен T-Mobile може да си дозволи да „краде“ толку специфичен и уникатен compelling word, за иста намена и тоа пред да застари оваа употреба од страна на конкурентот??

Не поминаа ни неколку месеци, кога VIP покрај ЗАСЕКОГАШ (кој сеуште си го употребува) почна да ја комуницира и compelling фразата - ДВОЈНО ПОВЕЌЕ, за T Mobile веднаш да истрча и да си го земе ЗАСЕКОГАШ??? Уште помизерна е финтата истиот да се протне покрај Валентајн и љубовта, која по дефиниција треба да трае засекогаш!

Верувам дека и вие имате прашалници во глава и ќе се прашувате како е возможно?? T Mobile - најкреативниот, најдобриот рекламер на пазарот? - Каде ви отидоа идеите? И моралот?

Прочитај повеќе >>

comments

Македонската Evian: Евина

Сигурно сте чуле за француската вода EVIAN, можеби најпознатата луксузна вода во светот, која е речиси редовно претпочитана од страна на славните и познатите личности. Водата има широка дистрибуција (што е за чудо) и можете да ја најдете дури и во секој поголем маркет од земјава, а дали ќе ја пиете е прашање дали можете (дали сте „наивни“) да одвоите од паричникот околу 100 денари за 1,5 литри! Во последно време забележливите реклами на „танцувачките и спортувачките бебиња“ можете да ги видите на JungleTV, или може да ви промрда по некој банер со мотото „Live Young“ на македонските интернет портали.

Водата EVIAN e толку позната што е станата иконски бренд - кој што покрај здравиот, младешки, продава и луксузен животен стил (и помалку бизарен и расипнички, бидејќи за „обична“ вода плаќате толку пари, додека било која друга можете да ја добиете за 5 пати пониска цена)! Конзументите на EVIAN се наречени и NAIVE (навивци) (ако Evian се прочита обратно) и некои велат дека името е намерен амбиграм со цел компанијата да се исмева со своите „наивни“ конзументи.

Македонска EVIAN?

Секако дека не! Некој производител од Виница (Центрофрута ДООЕЛ), очигледно решил визуелно да ја копира познатата EVIAN, па на својата вода и задал речиси идентичен визуелен идентитетет. A да не говориме колку е слично името- ЕВИНА.

Сте ја конзумирале ли некогаш македонската „верзија“ на EVIAN, Евина?

Прочитај повеќе >>

comments

Дали вие би треселе Кожувчанка?

Да, отворено, јавно прашање. Дали би „треселе“ Кожувчанка? 

Тие што се прашуваат за какво тресење станува збор, одговорот може да го најдат во најновата реклама на Кожувчанка. Клик на линкот. 

****Update: Од премногу негативни коментари, агенцијата ја сокри рекламата на својот официјален youtube канал. Ова видео е сеуште достапно**** 

Тимот на Кожувчанка ни препорачува „да не тресеме глупости“, туку да ја тресеме нивната вода! Лично мислење, дека советот „да не се тресат глупости“ е малку пресуров за да се упати до конзументите или целокупната јавност, без разлика дали тие нудат дополнително решение што друго да тресеме наместо „глупостите“. Дали сметате дека со ова се навредуваат потрошувачите или можеби тонот на обраќање е малку прегруб? Јас да.

Понатаму, рекламата од самиот старт делува шокантно. Грубо. Не се знае кој е следнот чекор после „падот на вилушката“?! Дали можеби девојката ќе рипне и ќе го нападне Јован Радњански (дечкото од рекламата), за чиј глас, патем (кој вели да не тресеме глупости), се упатија страшно сурови критики?!

Атмосферата во реклмата, зачинета со грубото и брзо тресење, упатува на напната состојба и побудува негативни емоции кај реципиентите. Остава во бессознание што сакал копирајтерот да каже: „дали толку добро се тресе Кожувчанка што нема да престанете да тресете и ќе ја грабате од раце само за да ја задоволите таа потреба“? Или можеби поверојатно ќе си речете: „дали се нормални овие што ја смислиле рекламата?“

Ок. Концептот очигледно бил да се ре-позиционира Кожувчанка како екстремно пенливо, меурчаво задволство, бенефит кој не го истакнала ниту една друга вода на овој пазар, што е за почитување, бидејќи замислата е одлична. Креаторите го реализирале тоа преку брза, запрепастувачки невидена и пред се’ страшно смела реклама, за која додека ние овде дискутираме се редат коментари на друштвените мрежи! Стартот на кампањата е предвидливо тенденциозно темпиран - втор ден после изминување на празниците, за да се пробие мразот после краткото рекламно празничното затишје! Но, дали се одвива се’ во вистинскиот правец?

-Youtube негативните коментари и dislike-овите не стивнуваат, share-оиве на фејсбук се редат како нишки од публиката, која ја исмева нарекувајќи ја „најпропаст реклама на годината“! Дали сиот овој buzz кој го очекувале ќе доведе до посакуваниот имиџ на Кожувчанка, а потоа и до полнење на куповните кошнички со неа?? Се прашувам!

Заклучок: браво за храброста, но сепак, не секогаш секој публицитет е добар публицитет! Посебно не кога се работи за имиџ на бренд, кој по некое правило треба да биде „стабилен“ (земајќи го предвид таргетот или пак категоријата на „основен производ“). Сепак потребен е малку повеќе разум отколку тресење на реклами од ракав, посебно кога се работи за ТРЕСЕЊЕ ЗЕЛЕНИ!

P.S. Looking for forward некој наместо „ај не треси глупости“ да ми рече: „еј ај не треси Кожувчанки!“ Сепак, се плашам дека урбаните фрази ќе бидат единствениот бенефит кој ќе го добиеме од оваа реклама! За жал, на грбот на Кожувчанка!

Прочитај повеќе >>

comments

Дали голиот задник е новата „мини сукња“?

И дали меѓуножјето станува се’ повеќе јавно видливо?

Кога во седумдесетите години, журналистот Christopher Booker, изјавил дека maxi и midi сукњите тогашно неминовно се вратија во мода, бидејќи едноставно: „немаше каде повеќе да се оди - mini сукњата нема каде погоре да оди“, очигледно грешел и не очекувал дека, не самошто ќе се појави и mikro сукњата, туку и нешто многу повеќе, односно погоре!

Мини сукњата отсекогаш постоела, изненадувачки, дури и на почетокот на цивилизацијата, за чијашто примена сведочат бројни пештерски цртежи и други археолошки докази. Текот на настаните низ историјата, како и условите за живот во модерната и првата половина на современата ера, наметнале да таа биде исфрелна од употреба, стигматизирана, забранета, морално прогонета и слично. Во минатиот век се случуваат голем број на општествени настани, кои ќе доведат до промена на сфаќањето на многу појави, редефинирање на општествени улоги, појава на различни субкултури - под едно име - голем број на општествени револуции, чиешто влијание го чувствуваме до ден-денес, односно живееме надоврзани на нив!

Кратка историја на сукњата

Во 1800-тите години жените биле перцепирани како послаб и немоќен пол, којшто треба да биде заштитен, па такви биле и облеките, долги и покривачки, правејќи ги телесно неприметливи. После Првата светска војна, како резултат на пост-воениот ескапизам, се појавуваат здолништата до колената, во андрогин стил, додека по Втората светска војна, работ се поткрева малку над коленото, како резултат на штедењето и кратењето на материјалите за време на војната!

Во 60-тите години, од девојчињата и младите девојки се очекувало да се облекуваат како своите мајки, па тие биле претставени како шаблонизирана копија на нив, во идентичната руба - покривачка и широка. Практично, не постоела облека за млади луѓе!

Со појавата на сексуалната револуција, феминизмот и либерализацијата, мини сукњата, како и голем број тогашни општествени симболи, била искористена како алатка за ослободување на општествените стеги во кои се наоѓала жената. Мајката на мини сукњата, Mary Quant и Лордот на мини сукњата, André Courrèges, се сметаат за главни виновници за раѓањето на иконската мини сукња (наречена според омилената кола на Mary Quant - MINI).

Реакциите за нејзината растечката модна примена, се разбира, биле жестоки и обвинувачки, доаѓајќи од старомодните средновечни жени облечени во своите соодветни и пристојни долги здолништа. Но, зголемениот тренд насекаде во светот, довел до креирање на нови стилови и модни икони, како: school girl трендот, Lolita look-от, андрогин имиџ и револуционерната појава на моделот Twiggi, сето тоа во насока на експлоатација на мини сукњата како маркетинг алатка, наместо средство за општествена либерализација на жената (првенствената намена).

По тој климакс, во почетокот на 70-тите настапува момент на смирување на страстите и спуштање на работ на сукњата под коленото - момент кој, замислете, се сметал за крај на мини сукњата - велејќи дека границата немала во која насока повеќе да оди - освен повторно надолу!

Годините до 21 век ја враќаат мини сукњата на голема врата, преку многу нови трендови (Punk изгледот, потоа корпоративната мини сукња, симбол за елеганција и бизнис изглед и слично) и таа станува масовно прифатена насекаде во светот, освен во африканските и исламските земји, кадешто до ден денес, е практично забранета).

Појавата на микро сукњата

На преминот кон 21 век, се појавува микро сукњата или микро-мини сукњата (со просечна должина од 20cm) којашто повеќе е идеја за сукња отколку облека, и којашто повеќе открива отколку што покрива, понекогаш посоодветно наречена и каиш-(колан, ремен)-сукња. Микро сукњата иако првично е наменета за сценски настапи на музичките ѕвезди, се’ повеќе станува неминовен дел од street изгледот на (скоро) секоја девојка!

Голиот задник новата мини сукња?

На прагот сме на 2012-тата година и дали можеме да кажеме дека насетуваме нов, досега невиден, неочекуван тренд, незамислив за минатите модни претходници? Дали како генерација сме сведоци на една сериозна, модна, естетска, општествена револуција во облекувањето, улогата и сексуалната перцепција на жената? Дали можеби 21-от век ни носи повеќе револуции, отколку што очекуваме и претпоставуваме (сексуални, естетски, модни, родови, либерални, секако) во поглед на поединецот, мажот, жената, семејството, светот?

Во последниве две до три години, се’ повеќе сме изложени на пополнување на масовната култура со слики, сцени и импулси кои ни го навестуваат доаѓањето на „новите правила на игра“ во свет кој се трансформира, преку многу фактори, но како едни од значајните, се изгледот и облеката.

Во тој поглед, дали границата/работ на мини сукњата се качува погоре, многу повеќе од дозоленото и замисливото, односно дали сукњата можеби ја губи својата класична форма и почнува да нема граница, т.е. да нема ни почеток ни крај?

Lady Gaga

Rihanna

Nicki Minaj, Lily Allen

Coco, Pamela Anderson, Rose McGowan, Alexis Texas, Scout Willis, Heidi Klum, Beyonce, Britney Spears

*Литературниот македонски збор за сукња е здолниште.

Прочитај повеќе >>

comments

И Жељко Јоксимовиќ „навлечен“ на прашок!

Неколку месеци после успешната акција на опасната пар комбинација на DUEL-прашок за перење и новиот албум на Здравко Чолич, во маркетите осамна и друга спојка. Овој пат се работи за последниот албум на Жељко Јоксимовиќ - „Љубави“, плус гратис „спeцијално“ списание со Јоксимовиќ на насловната страница и се разбира Duel прашок!

Очигледно, на Biohemija d.o.o. и тргна во супер комбинацииве со продукцискиве куќи, па овој пат со Minacord на Жељко и заедно со дистрибуција Kolid, решиле да понудат ново идеално „музичко - перално“ решение, Duel Љубави ко-пакување!

После вториов успех, можеби размислуваат и за официјализирање на посебниов ендемски начин на дистрибуција во маркетинг литературата, како продажна промоција којашто пали кај домашниот таргет на овие балкански простори, без водење грижа околу имиџот на двата бренда (посебно не за музичкото „дело“) : ПЧК алатка! „Прочи че-комбинација“! :P

-А бе, пази да не станат толку комплементарни во употребата, па без едниот да не се троши другиот и слично! :)

И за крај, додека вие се мислите дали е соодветно и на што личи музички албум да се продава рака-под-рака со прашок за перење, пазарната логика, којашто не познава логика, ги отвара сите врати на креативноста (која исто како и глупоста, е неограничена), па што пројде - пројде, а што не, нека го прости чичко Smith!

*Повторно голема благодарност до Ели, која повторно ја документираше оваа маестрална комбинација и со тоа, помогна во објавувањето на овој маркетинг случај!

Прочитај повеќе >>

comments

Ревизија на текстот за „Баксузен Таксират“ и извинување од авторот :D

Реченицата со која започнува претходниот негативен пост „не знам како било, не бев, не можам да судам!“ за прикаската Таксират, доби огромен негативен публицитет. И со право!

Тотално се согласувам со читателите кои велат дека е поразителна и од старт го дискредитира целиот текст! Им благодарам на читателите што научив дека вака не се започнува статија, (иако сметав дека моето субјективно доживување дали сум рипала поише на Buraka Som Sistema отколку на Fat Joe, или дали сум била со или без гратис, е тотално небитно, зошто не праам рецензија кој како отсвирел или каков однос имал со публиката). Напротив, во центар ги ставам организаторите на event-от и нивната маркетинг реализација, сакајќи да дадам една beyond нота за иднината и позиционирањето на Таксират. Но, nevermind! :D

Второ, на многу читатели им бодат очи трите мои „соломонски решенија“ Пеперс, Хим или Рамштајн. Тоа и го очекував! Во иднина нема толку да генерализирам, упростувам и во исто време карикирам, бидејќи е дискутабилно околу рангот на популарноста на брендовите и тоа дали организаторите и бендот ќе имаат профитабилно ефектуирање на македонскиот пазар на концерти!

И како трето, многу фанови се најдоа погодени што упатувам критика за Таксират, имиџот,  состојбата, пред и после. И со право! Ни најмалку не ми беше поента да го омаловажам Таксират како значаен supporter на македонската урбана култура! Потенцирам дека треба да се подржува добрата воља на организаторите за „дистрибуција“ на куп добри бендови за „по 100че во просек, пиво во рака и добра дружба!“

Жалам и што не пронајдов заеднички јазик со таргет групата, тоа е моја грешка, бидејќи се обратив на референтна група која од старт има негативна перцепција и одбранбен штит за, какошто го нарекуваат „болеста на општеството“ -  маркетингот, произлезен од систем против кој најголем дел референтната група се бори или барем гаи негативни емоции и ставови!

По професија маркетер, океј е што на некој од вас не им се допаѓа што работите ги гледам толку narrow minded или црно-бело, низ призмата на публицитетот, продажбата и профитот! Но, тоа ми е работата. Во денешното општество освен токму контра-културата  (преку која голем дел маркетерите бенефицираат, препознавајќи ја како „потреба за различност“) остатокот од светот е „чиста продажба“!

Ви благодарам за одвоеното време и тоа што сте се потрудиле да дадете фидбек. Јас посебно ги охрабрувам негативните коментари и со радост ги прифаќам, бидејќи токму преку нив се осознаваат грешките и се учи потрошувачот! Постојано потренцирам дека текстовите на овој блог се резултат на мои субјетивни мислења, и тоа ги прави во голем дел нерелевантни, неточни, идеални за решетање со негативни критики! Voilà !! За тоа сум тука :D

И за крај, мило ми е што се појавија толку посетители на Таксират со фидбек дека супер си поминале, подобро од што очекувале, нарекувајќи го најдобар до сега! Токму тоа е поентата, потрошувачите да бидат задоволени на најдобар начин! А ако е така, тогаш нема што понатаму да се коментира! 

Останува наредната година да чекаме уште еден добар и дури подобар Таксират!

Прочитај повеќе >>

comments

Баксузен 13ти Таксират?

Не знам како било. Не бев. Не можам да судам.
Но, по тоа што го слушнав (word of mouth), прочитав, пред и после настанот и фактот што не видов ниту една „импресија“ на мојот фејсбук ѕид од било кој пријател (а ги имам доволно од конкретниот таргет), не било на арно!

Таксират се изгуби во својата суштина и во своето позиционирање, обидувајќи се да ги следи новите трендови, со мала промена на својот имиџ и широко таргетирање, но копнеејќи по минатите времиња и минатите суб-културни состојби!

Оваа година поентата на Таксират очигледно беше „мејнстримување“ на „алтернативата“, нејзино вадење на површина, за да ги пресретне потребите на широка таргет група од андерграунд слојот, за кој очигледно сметаат дека и во Македонија повторно се разви како популарна суб-култура, како што е случајот со некои соседни земји. Тука е првата грешка! Во Македонија (а и во поширокото окружување) алтернативците, кои ги има се’ повеќе, најчесто се развиваат во правецот хипстеризам, а истите не може да бидат групирани толку масовно и така лесно задоволени, само преку неколку артисти и тоа дотраени „комерцијални“ алтернативци!

„Комерцијален алтернативец е ОКСИМОРОН за артист кој ја покрива „андерграунд“ културата, но во исто време е и мејнстрим бренд, кој се продава како и сите останати музички брендови, со тоа што животниот стил кој го продава е различен од оној масовниот.“

Тоа е сосем во ред со стилот на Таксират, кој како што се сеќавам беше создаден за (хард-кор) љубителите (кои генерално гледано сега станаа малку застарени) и ја опфаќа „андерграунд“ комерцијалата. Токму тука е и втората грешка! Пазарот на македонската „андерграунд алтернатива“, во класична смисла, некако опаѓа. А музичките „комерцијално алтернативни“ бендови кои оваа година ги понудија како јадро на настанот, едноставно не беа ништо посебно! Напротив, едни беа ѕвезди со поминат рок, а останатите не беа баш дел од популарните и светски-бренд музички имиња (иако е дискутабилно за Kaiser Chiefs). И за да ја пополнат проект - луфтата, слатко ги спакуваа со домашни фацки, и други споредни, стилско-компатибилни, ликови... Но, само ликови, кои се далеку од икони!

Третата грешка, е иста како и првата, бидејќи поентата се врти во круг, а тоа е промовирањето на настанот: толку популарно и толку масовно. Меѓу другото и со радио реклама, преку која последната недела засилено го бомбардираа етерот на најпопуларната радиостаница, Антена 5! Нешто што дополнително укажува дека „алтернативата“ се обидоа да ја претстават како мејнстрим, а во случај кога немаат ниту една доволно бомбастично силна (рок) легенда, за да се привлечат сите тие широки „андерграунд“ групи!

Да бидеме реални, далеку од тоа дека Таксират можеме да помислиме да го брендираме како „зимски Егзит“ или да ја следиме неговата популарна - андерграунд - мејнстрим - хипстерска - инди - рок - метал - liberte - new age - урбана приказна, која раскажува за животниот стил на „новата генерација“!

Лудилото отиде до таму, што го запоседнаа цел град со билборди, и тоа во најразлични стилови и бои. Како да се работи за 5 различни настани! Ниту еден билборд не беше стилски ист, ниту пак беше конзистентен на досегашниот Таксират имиџ! Дури и му додадоа една „Скопје 2014“ нота, повторно нејасна, дали во случајов, Таксират и таргетот, се урбани хејтери или supporter-и? Битно, пораката беше да ги вклучи и едните и другите?!

Како цреша на шлагот е последениот поразителен факт - суровата реалност! До кога Македонија ќе биде заобиколувана од еминентни музички имиња без разлика дали се продавачи на масовен популарен или алтернативен животен стил, и без разлика дали свират лесно и поп, или свират тешко и агресив? До кога жално ќе ги набројуваме сите имиња кои ги доживејаа нашите соседи, а нас истите само не’ заобиколија?

Во ова глобално село, очкувањата растат! Па, така, оваа година уште позасилено и желно чекавме за: Пеперси, Хим, Рамштајн или било кое друго комерцијално име!

И како после сето ова, тимот на Таксират се чуди зошто немало посетеност, елан и ентузијазам кај публиката, кога ни продава само некои лесни, „ОНАКА“ фацки „без кои може да се живее“?

Поентата на текстот не е да се омаловажи ликот и делото на ниту една музичка ѕведа која настапи на Таксират 13, а најмалку не на хедлајндерите Kaiser Chiefs. Со сета должна почит кон нивната музика, филозофија и порака!

Прочитај повеќе >>

comments

Сурово искрено таргетирање: Чола право во рацете на „домаќинките“!

Пред речиси една година, во македонските супермаркети осамна една „страшна“ комбинација на два тотално неспојливи производи, но за волја на вистината, силно поврзани врз база на целната група. Идејата на маркетерите со оваа промоциска спојка беше да го разбуди импулсот на таргетираната група, која по забележувањето на рафтот нема да остане рамнодушна и веднаш ќе го зграпчи ова ко-пакување! 


Замислете, со купување на прашокот за перење DUEL  не добивате како подарок, пример, нова мерна чашка за прашокот, нов омекнувач или нова количина плус од Duel, туку неверојатно, НОВИОТ АЛБУМ на Здравко Чолич!

Се работи за типичен добро-смислен и очекувано ефективен напад за продажба на два тотално (според техничките или употребливите атрибути) неспојливи производи! Но, тоа што ги поврзува е ноторната вистина за суровото таргетирање според некојси идентификуван балкански животен стил: ,,жените домаќинки перат и го слушаат Чола”. „Па зошто да не перат со Duel и во исто време уживаат во неговиот нов албум??“ 

Оваа директна, брутална и страшно искрена продажна промоција оди под анализата дека Југословенките во цутот на младоста, коси кубеле по Чола, во неговата ера на жарењето и палењето; сега тие жени се ,,пораснати” во средновечни ((карикирам)) ,,домаќинки кои се грижат за домот, перат и пеглаат, но сеуште затреперуваат на ритмите на најголемиот балкански заводник“! Во таа воочена ситуација, Biohemija и AZ PR Production виделе одлична маркетинг прилика своите два производа да ги спојат во идеално пакетче, под мотото „ПЕРИ И СЛУШАЈ“!!! 

Па така, тие го протнуваат на задна врата, овој нов музички производ кој треба да падне директно во ,,мокрите раце” на домаќинките, инкогнито пенетрирајќи во нивните домови и заобиколувајќи ја останатата нетаргетирана и непотребна јавност. Со тоа, дистрибуцијата е феноменално решена, бидејќи никој веќе не купува „цедиња и касети“, а посебно не домаќинките!

Во исто време Duel, поддржан од засилениот мотив кон Чола, обезбедува влез и емотивно поврзување со својот таргет на македонскиот пазар, на кој долго време напаѓа и се бори по некоја „бившо-југословенска-братска линија“! Бенефит ем за Чола, ем за Duel! Синергија пет плус!

Што да правиме, мораме да признаеме дека идејата е одлична! Паметна герила ,,во последен момент, со двојни користи, инкогнито и директно во центарот” продажна промоција! Колку и да звучи смешна и несоодветна, сепак работи! Бравос! 

xD

Голема благодарност до Ели, којашто го детектираше овој незаменлив момент и со тоа помогна во креирањето овој случај.

Прочитај повеќе >>

comments

ПРОПАГАНДНИ СМЕШКИ: Македонски рекламчиња

ПРИМА биле пред времето! Ете од каде му е идејата на Kevin Roberts за „љубовните марки“! 

Или не? 

Да се надеваме дека Прима не го сликале несудениов градоначалник за маркантниов политички плакат!

А ако не верувате во политички „маркетинг“, тука е Васе, брутално и сурово искрен! 

Ако вашето битие негодува после рекламата на Васе, тука е римата на Бет да ви помогне без мед!

...ако и тоа не помага, не земајте ни виски ни Кока Кола со лед!

А доколку сакате пирсинг, не двоумете се да се обратите во кредибилново студио за безболно дупчење со медицинки!

А, ако не дај Боже, не преживеете, еве ви бројче од човек што ќе ве погребе како вистинска ѕвезда!

Народска креативност - резултат на маката да се продаде и желбата на личната иницијатива да се биде диференциран од другите. Овие креативни парчиња полни со „народска искреност“ се интересен пазарен ’феномен’ кој отекогаш постоел кај желните трговци да се истакнат и да продадат нешто повеќе.  Па комбинираат мисли и смеа, или желба и незнаење, и неретко нивните промотивни обиди завршуваат како своевиден урбан хумор и сатира.

*Фотографиите се преземени од познати македонски портали кои објавуваат ваков тип на содржина: On.net, Motika, Kajgana, Taratur и сл. 

Прочитај повеќе >>

comments